तुझे नाव कारुण्य नाथा, नाथा!ध्रु.
रणरणते माथी ऊन
वाळु गेली किति तापून
रडे मूल कुणि कळवळुन
कडे घ्यावया वत्साला धावलास आता!१
भेद‌भाव मनि ना आला
दयाकुल आत्मा झाला
करुणाघन की कळवळला
तोंड स्वच्छ त्याचे पुसले जाहलास माता!२
हातपाय निर्मळ होता
मुखी चार थेंब जाता
तेजमुखी त्याच्या चढता
भगवंता देखसि तेथ हीच धन्यता!३
कडेवरी मिरवुन नेले
मूल माउलीस दिधले
नेत्र तुझे रे डबडबले
रोमरोम फुलला देही तुझा भाग्यवंता! तुझा कृपावंता!४
रचयिता : श्रीराम बाळकृष्ण आठवले
पिलू (कर्नाटकी ढंग)
बोल होती फोल
केरवा
(आज नाथषष्ठी निमित्त संत एकनाथांच्या चरित्रावर आधारित काव्यातील एक कविता)
