‘ मी म्हणेन तसे होईल, ’ असे कधीही म्हणू नये. अभिमानाच्या पायावर उभारलेली इमारत डळमळीत होणारच. अभिमान हा देहाचा आणि तत्संबंधी विषयांचा असतो. अभिमानाचे मूळच काढून टाकावे; म्हणजे, मी देहाचा आहे म्हणतो, हेच काढून टाकावे. हा देह माझा नाही हे आपल्याला पटते, पण अखंड सहवासाने आपले त्यावर प्रेम जडते. एकदा देहावर प्रेम जडले म्हणजे मग अभिमान आला. त्याच्या पाठोपाठ लोभ, क्रोध येणारच.
'मी देहाचा जाणिव ऐसी अभिमानाचे मूळ !ध्रु.
'मी देहाचा जाणिव ऐसी अभिमानाचे मूळ !ध्रु.
देह न माझा, मी देवाचा
संतबोध हा ठसावयाचा
ठसल्यावरती नुरेल काही अभिमानाचे खूळ!१
मी नच कर्ता, कर्ता राम
उठता बसता घेतां नाम
हासत हासत थुंकायाची अहंपणाची चूळ!२
भगवद्‌भजनी नित्य राहणे
" तो मी तो मी " हे अनुभविणे
जो ज्ञानी तो मिरवित नाही पांडित्याची झूल!३
रचयिता : श्रीराम बाळकृष्‍ण आठवले
गोंदवलेकर महाराज प्रवचन क्रमांक २७२, २८ सप्‍टेंबर वर आधारित काव्‍य
No comments:
Post a Comment