दिंडी चालली चालली पंढरीला
ज्ञानबा तुकाराम ! ज्ञानबा तुकाराम ! ध्रु.
असो उन वा पाऊस वारा
पांडुरंग करि पाहुणचारा
भक्ति सुखाचे धाम ! १
अभंग गाता हरिपाठाचे
विठ्ठल आपुल्या मनात नाचे
दासाचा श्रीराम ! २
देहु आळंदीची गोडी
वर्णाया भाषाच तोकडी
भाविक घेई नाम ! ३
गीता मुरली श्रीकृष्णाची
ज्ञानदीपिका ज्ञानेशाची
देत मना विश्राम ! ४
परस्परांच्या पाया पडती
उरा उरी जन असे भेटती
विना दाम हो काम ! ५
रचयिता : श्रीराम बाळकृष्ण आठवले
No comments:
Post a Comment