भाग्याला काय उणे?
यत्न करी! यत्न करी! ध्रु.
कर विचार काय सार
सोडुन दे जे असार
शुद्ध बुद्ध होशि तरी ! १
जरि विकार करि प्रहार
कर विवेक घे न हार
दक्ष राही नित्य तू अंतरी ! २
बोलत जा वचन असे
हृदया जे सुखवितसे
मधुर मधुर भाव वसो अक्षरी ! ३
तू विषण्ण जग विषण्ण
तू प्रसन्न जग प्रसन्न
बिंब प्रतिबिंब भाव जाण तरी ! ४
मी पणास विसर त्वरे
प्रेमभाव त्यास पुरे
सर्वात्मक होइ नरा निमिष तरी ! ५
वचन जसे वाग तसे
संगति सुख देत असे
नीतीने न्यायाने वाग तरी ! ६
होउ नको देहदास
होई होई रामदास
सार्थक नर जन्माचे खचित तरी ! ७
१९ जानेवारी १९७७
कवि : श्रीराम बाळकृष्ण आठवले
No comments:
Post a Comment