वंदना

कोटी कोटी कंठात निनादे, आज हीच प्रार्थना
माधवा स्वीकारी वंदना!ध्रु.

धन्य तुझी भारतभूभक्ती
तनाधनाची ना आसक्ति
तच्चरणी अर्पियली मुक्ती
नव्या युगाचा मूर्त दधीचि तू धन्य तुझी साधना!१

देशभक्तीचे गीत गाइले
मनामनांचे सूर जुळविले
अमित वैभवे संगीत नटले
तव कार्यातुनि क्षणाक्षणाला लाभतसे चेतना!२

सारुनि दुरि विस्मृतीची छाया
राष्ट्रजीवना उजळा द्याया
भेदभावना जाण्या विलया
'हिंदुराष्ट्र जय हिंदु देश' ही फुलवितसि गर्जना!३

रचयिता : श्रीराम बाळकृष्ण आठवले
६ फेब्रुवारी १९५६ (दापोली)