रामकृष्ण जय, परमहंस जय
जयजयकार करा! जयजयकार करा!!ध्रु.
देवत्वाची सजीव मूर्ती
त्या गुरुदेवा अमुची प्रणती
मांगल्याचा येथुनि वाहे खळाळता मधु झरा!१
चारित्र्याचा सतेज भास्कर
करुणेचा हा अपार सागर
उक्तीउक्तीतुनी प्रगटतो भगवद्भाव खरा!२
चरित्र वाचन अनुभव अद्भुत
परमेशाचे स्तवन कंठगत
सत्य एक परमात्मा बाकी आभासच सारा!३
रचयिता : श्रीराम बाळकृष्ण आठवले
No comments:
Post a Comment