स्वरूपानंद मज दिसले
पावस घरीच या वसले!ध्रु.
पावस घरीच या वसले!ध्रु.
नयनदलेही सहजच मिटली
बाह्य उपाधी अलगद सरली
मानसी कमलपुष्प उमले!१
स्वामींची ती परिचित खोली
तीच शांतता, तृप्ती कळली
स्मृतीचे नंदनवन फुलले!२
अभंग ज्ञानेश्वरी वाचता
तो सत्कविवर प्रसाद देता
मन हे गलबलले!३
समाधि मंदिर ते बोलविते
अभ्यासाला शिस्त लावते
भक्तिपथावर पाउल पडले!४
नित्यपाठ हे संध्यावंदन
अभंगगायन हे संजीवन
सगळे समरसले!५
रचयिता : श्रीराम बाळकृष्ण आठवले
०६.०८.१९८९
No comments:
Post a Comment