जोवरी जगाची आस, भगवंत न भेटे खास!ध्रु.
प्रभुवीण न कोणी दुसरा
जंजाळ जगाचा विसरा
बाणता अनन्या वृत्ती तात्काळ तुटे भवपाश!१
संपदा नको विद्वत्ता
कुठलेहि कष्ट न करता
प्रेमेच बाणते निष्ठा हृदि धरा भक्ति हव्यास!२
पांडवा सती पाचारी
हाक ना कुणी अवधारी
माधवा पोचता साद राखिले तये ब्रीदास!३
रचयिता : श्रीराम बाळकृष्ण आठवले
(गोंदवलेकर महाराजांच्या चरित्रावर आधारित काव्यामधील हे एक काव्य)
No comments:
Post a Comment