ॐ
प्राणमोल द्यावे गावे -
ॐ राम कृष्ण हरि!
ॐ राम कृष्ण हरि!ध्रु.
विकार जे दंगा करती
पुरी पुरी फजिती करती
चला करू गुरुचा धावा
ॐ राम कृष्ण हरि!१
विसंगती जेथे तेथे
मनी येत भलते सलते
चित्तशुद्धि होण्या गाऊ
ॐ राम कृष्ण हरि!२
वस्त्र वासनांचे फिटू दे,
अहंसर्पिणी ती मरु दे
ममत्व ते सरण्या गाऊ
ॐ राम कृष्ण हरि!३
सहा अक्षरी हे नाम
सफल करी मंगल काम
प्रेमदीप शिकवी जप हा
ॐ राम कृष्ण हरि!४
दत्त अंश स्वामी माझे
विश्वरूप स्वामी माझे
शिरोधार्य आदेशच हा
ॐ राम कृष्ण हरि! ५
रचयिता : श्रीराम बाळकृष्ण आठवले
१९ जानेवारी १९९४
No comments:
Post a Comment