हरिगीतापाठ फलश्रुति

ॐ

॥श्रीकृष्ण॥ 

फलश्रुती 

हरिगीतापाठ नित्य गाता गाता 

बोले कृष्णमाता भाविकाशी । १

एकेक अध्याय कळू लागे थोडा 

भावार्थाचा पेढा गोड लागे । २

निरोगी ती काया निरोगी ते मन

साधू लागे ध्यान साधकाला । ३ 

स्वकर्म करावे नित्य जीवेभावे

गोविंदा अर्पावे वाटतसे । ४ 

मीच तो अर्जुन मीच तो माधव 

ऐसा ऐक्यभाव वाढू लागे । ५

वाचावा हा पाठ लिहावा हा पाठ 

विवरावा पाठ देवळात । ६

देह हे देऊळ आत्मा हा गोपाळ 

नाम घेता काळ अनुकुल । ७

भावसाक्षरता भाषणी मृदुता 

अंतरी शांतता सर्वकाळ । ८ 

स्वरुपानंदांनी घेतलीसे सेवा 

दिला गोड मेवा स्वानंदाचा । ९ 

कृतज्ञ श्रीराम जोडूनीया हात 

वळे आत आत सावकाश । १०