Saturday, May 1, 2021

आईबाप हे दैवत माझे



माझे बाबा विठ्ठल
आई रखुमाई!ध्रु.

रोज सकाळी तया वंदितो
डोळे भरुनी दर्शन घेतो 
पूजा ही होई! १

शुभं करोति म्हणता म्हणता
पाठांतर हो बघता बघता
गानी रस घेई!२

बहीण माझी जवळी येते
मांडीवरती आपण बसते
मी मोठा होई! ३

भांडण होते लगेच मिटते
कधी ऊन कधी सर कोसळते
श्रावण मी पाही! ४

मनात येते घरच पंढरी
बुडवावे ते आपण गजरी
वारकरी होई!५

रचयिता : श्रीराम बाळकृष्ण आठवले

No comments:

Post a Comment