सोडुनी या जगताची आस
व्हायचे भगवंताचे दास!ध्रु.
व्हायचे भगवंताचे दास!ध्रु.
मनी विमलता ऐसी यावी
रसाळता शब्दांत मुरावी
मुखावर प्रसन्नसे मधु हास!१
चिंतेचे जधि नाव संपले
रामनाम श्वासातुनि स्फुरले
सुखवु दे भगवद्भक्ति विलास!२
राम ठेवितो तैसे राहू
अवती भवती रामचि पाहू
विरक्ती नाव भक्तिभावास!३
रचयिता : श्रीराम बाळकृष्ण आठवले
गोंदवलेकर महाराज प्रवचन क्रमांक ३०३, २९ ऑक्टोबर वर आधारित काव्य.
भगवंताचे होण्यास आपण निर्दोष असणे जरूर आहे.
ही प्रपंचाची आणि जगाची आस सोडून भगवंताचे दास झाल्याशिवाय आम्हाला समाधान मिळणे कठीण आहे.
No comments:
Post a Comment