राम कर्ता ! भावना ही सर्वदा ठेवी मना ! ध्रु.
मीपणासी सोड आधी
संपली मग पूर्ण व्याधी
राम मिळण्या आड येते, ती खुळ्या रे वासना !१
टाकणे निंदा पराची
सोड आशा परधनाची
माय अपुली वत्सला रे जी दिसे तुज अंगना!२
वासनांची आहुती दे
'तोच मी' हे जाणवू दे
भाव हा वृत्तीत मुरता माधुरी ये जीवना! ३
रचयिता : श्रीराम बाळकृष्ण आठवले
गोंदवलेकर महाराज प्रवचन क्रमांक २८१, ७ ऑक्‍टोबर वर आधारित काव्य
व्यावहारिक मोठेपणा बाजूला ठेवा आणि देवाला अनन्यभावाने शरण जा.
परस्त्री मातेसमान माना, परद्रव्याची अभिलाषा बाळगू नका आणि परनिंदेला विष्ठा समजून त्याग करा. या तीन गोष्टींना फार सांभाळा.
भगवंताच्या प्राप्तीच्या आड जे जे येते ते ते टाकणे, म्हणजे यज्ञ करणे होय. या यज्ञामध्ये वासनांची आहुती द्यावी.
