जयदेवी जयदेवी जय भगवद्गीते
आरति तव गाता ये हृदयी भरते! ध्रु.
जीवन ही गमले मज चाले रणघाई
चालुनि जावे कैसे बंधन जर पायी
मी कर्ता ही बेडी तू काढुनि घेते! १
आरति तव गाता ये हृदयी भरते! ध्रु.
जीवन ही गमले मज चाले रणघाई
चालुनि जावे कैसे बंधन जर पायी
मी कर्ता ही बेडी तू काढुनि घेते! १
अंतरिचा निर्णय जो तो तर कृष्णाचा
विवेक होतो बंधु अंती भक्तीचा
तू भक्ती ज्ञानहि तू सत्कर्मी रमते!२
अशक्य जगती नाही ऐसा तव घोष
फलचिंता सुटताक्षणि आत्म्याला तोष
लोकांच्या कल्याणा मन्मन आतुरते!३
नित नूतन दर्शन तू पठणातुन देशी
स्वार्थातुन श्रोत्याला परमार्थी नेशी
कोऽहं प्रश्ना उत्तर सोऽहं सापडते !४
परिचय प्रवेश ऐसा चढता सोपान
दिव्यत्वाच्या स्पर्शे हारपले भान
श्रीरामा वात्सल्ये जवळी तू घेते!५
रचयिता : श्रीराम बाळकृष्ण आठवले
२१.१२.१९८२
No comments:
Post a Comment