अध्याय ४ : कर्मब्रह्मार्पण योग
आपणच जेंव्हा अर्जुन बनतो
अंतरात कृष्ण प्रवेशतो ।।१।।
अधर्माची चीड धर्माची ती चाड
अन्याय मुळीच सहवेना ।।२।।
संतांचे रक्षण दुष्टांचे मर्दन
धर्मसंस्थापन कृष्ण करी ।।३।।
हरि एक कर्ता फलाचा तो भोक्ता
ज्याचे त्याला देता धन्य वाटे ।।४।।
कोणी आर्येमध्ये कोणी ते ओवीत
गीतेचा भावार्थ सांगू पाहे ।।५।।
हरि धरी हात लिहवून घेत
गीता अभंगात रामा वाटे ।।६।।
No comments:
Post a Comment