अध्याय ९ : राजविद्याराजगुह्ययोग
आसक्ती फलाची नसे ज्या मानवा
तो तर असतो सदा मुक्त ।।१।।
माझे जे जे भक्त भक्तीने भेटती
त्यांना आलिंगाया चार हात ।।२।।
भावाचा भुकेला नित्य भगवंत
देह जरी दोन एकरूप ।।३।।
आदि मध्य अंत सर्व मीच पार्था
तुझ्याशी वियोग कधी नाही ।।४।।
योगक्षेम तुझा चालवीन सदा
निर्धारे चालव अभ्यासाला ।।५।।
सागरी मिसळे सरिता सदाची
तुझे लया गेले पाप पुण्य ।।६।।
माझे तुझे मन जाणे एकपण
राजविद्यानावे राजगुह्य ।।७।।
No comments:
Post a Comment