मी बांधीन स्वरपूजा - "गुरुदेव दत्त"

येत्या सोमवारी "दत्त जयंती" आहे.  त्यानिमित्त "गुरुदेव दत्त" या "ओंकार संगीत साधना" ने सादर केलेल्या कार्यक्रमातील गाणी रोज या ब्लॉगवर अपलोड करत आहे.  गाणी अर्थातच माझे वडील कै. श्रीराम बाळकृष्ण आठवले यांनी लिहिलेली आणि निवेदन ही त्यांचेच.

वंदन घे घे गुरुराजा, बांधिन स्वरपूजा
मी बांधिन स्वरपूजा!ध्रु.

गानकलेचा अमोल ठेवा
तू सोपविला मज गुरुदेवा
शब्द अडे माझा!१

विविध राग रागिण्या लाभल्या
सूरसागरा सरिता आल्या
उदार गुरुराजा!२

विविध भावना या शब्दांकित
अनुभविताना तनु रोमांचित
कंपित स्वर माझा!३

ऋण राहू दे असे मस्तकी
कृतज्ञतेची करुन पालखी
मिरविन गुरुराजा!४

रचयिता ; श्रीराम बाळकृष्ण आठवले