भजनाच्या अंती सद्गुरुपाशी हेच मागणे -
मन माझे रंगो - दत्तात्रेयाच्या भजनी!ध्रु.
वीणा सुंदर हाती घ्यावी
जगताची जाणीव सरावी
जनी असो वा विजनी!१
मृदुंग घुमू दे, झांज वाजु दे
स्वरतालांचा मेळही जुळं दे
दत्तनाम नित वदनी!२
"औदुंबर जणु घर मग माझे -
दत्तराज आसनी विराजे
प्रचीती यावी अशनी, शयनी!३
भस्म ललाटी शांतवीत मन
अश्रू नयनी - आत्मनिवेदन
सद्गुरु रमोत श्रवणी!४
रुद्राक्षांची गळ्यात माळ
सहजच शमवी दाहक जाळ
मन पवनासह पोचो गगनी!५
रचयिता : श्रीराम बाळकृष्ण आठवले
( श्री गुरुदेव दत्त)
No comments:
Post a Comment