गाऊ आरती आरती सद्गुरुरायाची
नुरेल भक्ता कसली चिंता जन्ममरणाची! ध्रु.
सुरवरमुनिजनयोगि निरंतर दत्ताते ध्याती
वर्णन याचे कठिण कठिणतर श्रुति म्हणती नेति
हारपता मन नुरेल वार्ता भेदाभेदाची!१
सद्भावे साष्टांगे नमिता दारी उभा ठेला
प्रसन्न होउनि सद्गुरुराये आशीर्वाद दिला
सबाह्य अभ्यंतरी दत्त मी जाणिव नित्याची!२
वाचा आता वरे मूकता, डोळेही भरले
अतिपावन सद्गुरुचरण मी हृदयावर धरले
पूजा ऐसी घडली हातुनि दत्तात्रेयाची!३
रचयिता : श्रीराम बाळकृष्ण आठवले
No comments:
Post a Comment