अनसूयेचे भाग्य उजळले
ब्रह्मा विष्णू शिव घरी आले!ध्रु.
ही तर माझी गुणी लेकरे
वत्सल धेनू जणू हंबरे
मधुर रुदनस्वर कानी भरले!१
दिव्यत्वाचा स्पर्श क्षणाला
कालगतीचा ठेका चुकला
जननीपद साध्वीस लाभले!३
अमृतकिरणे दृष्टी वर्षते
मंगलगीते माता गाते
सुदैव सहजची गाली हसले!३
नक्षत्रे या घरात आली
याही मासी ये दीपवाळी
बघता बघता ध्यान लागले!४
- श्रीराम बाळकृष्ण आठवले
No comments:
Post a Comment