Sunday, April 7, 2024

रामा, तुझे नाम गाऊ! आनंदात राहू!

रामा, तुझे नाम गाऊ!
आनंदात राहू! ध्रु.

तुझाचि आधार
वाटतो साचार
इथे तिथे पाहू!१

सोडुनी आसक्ती
करू तुझी भक्ती
शीलवंत होऊ!२

आईबाप देव
घरांत सदैव
तयां सौख्य देऊ!३

रचयिता : श्रीराम बाळकृष्‍ण आठवले
गोंदवलेकर महाराज प्रवचन क्रमांक २६८, २४ सप्टेंबर वर आधारित काव्य.

कोणता काल कुणाच्या भाग्याने येतो हे सांगता येत नाही. म्हणून आपण कधी कष्टी होऊ नये. सत्कर्म जेवढे मोठे तेवढी विघ्ने अधिक; भगवंताचे अनुसंधान हे सर्वांत मोठे सत्कर्म आहे. आपण निश्चयाने आणि नि:शंकपणे त्याचे नाव घेऊ या आणि आनंदात राहू या.

No comments:

Post a Comment