जाणतो भक्तिच मी पार्था!ध्रु.
असे भुकेला मी भावाचा
भक्त माझा मी भक्ताचा
त्याविण कुणी न आवडता!१
पान, फूल जे हाती आले
फल ना, जल तर कोठे गेले?
रंगतो ते सेवन करिता!२
पतिव्रतेसी जैसी शुचिता
मज आवडते ती भाविकता
मजसी कसली कमतरता!३
वस्तू असती निमित्त केवळ
भक्तिभाव होण्यासी निर्मळ
भाव मग वरितो व्यापकता!४
रचयिता : श्रीराम बाळकृष्ण आठवले
१७.०३.१९७४
(पै भक्ति एकी मी जाणे
तेथ साने थोर न म्हणे
आम्ही भावाचे पाहुणे
भलतेया
येर पत्र पुष्प फळ
हे भजावया मिस केवळ
वाचूनि आमुचा लाग निष्कळ
भक्तितत्त्व
या ज्ञानेश्वरीतील ओवी वर आणि स्वामी माधवनाथांच्या ज्ञानेश्वरी ज्ञानकिरणे या पुस्तकातील प्रवचन क्रमांक ८४ वर आधारित काव्य).
