मच्छिंद्रा तू येथुन पुढती
नाम लाव नाथ!
जन गौरविती तुजला प्रेमे
मच्छिंद्रनाथ! हा मच्छिंद्रनाथ!ध्रु.
नाम लाव नाथ!
जन गौरविती तुजला प्रेमे
मच्छिंद्रनाथ! हा मच्छिंद्रनाथ!ध्रु.
प्रवास आहे सारा उलटा, बाहेरुन आत
पदोपदी झगडावे लागे, करी दोन हात
वीराच्या आवेशा दाखव, शौर्य देत साथ!१
आदिनाथ जरी नाही बोलत, कौतुक त्या वाटे
अत्रितनय मी तू तनयासम नेत्री नीर लोटे
अकुंठित गती, विशेष रस तुज साऱ्या शास्त्रात!२
भिक्षा नसते भीक मागणे दीक्षा ती आहे
चेला तो तर असे चांगला, पद रोवुन राहे
विशुद्ध जर मन, कामक्रोध ही दुबळे ठरतात!३
मी शिव, मी शिव अशी भावना आवडसी दत्ता
निःस्पृहपण तव, निधडी छाती कौतुक धीमंता
धरेस दे आधार शब्द ना अशक्य तव कोषात!४
मोहाचा करी होम तपस्या स्वार्थाचा अंत
सत्संगाने, सद्गुरुवचने निपजतात संत
अवघा भारत घाल पालथा कसली ना भ्रांत!५
तो देणारा, तू घेणारा ही नामी जोडी
तत्त्वज्ञानी तूहि विरागी जनां तुझी गोडी
उतणे ना मातणे कदापि लाखाची गोष्ट!६
रचयिता : श्रीराम बाळकृष्ण आठवले
१२.०२.२००५
No comments:
Post a Comment