नकाच दवडू वेळ फुका
सावधान हा मंत्र शिका!ध्रु.
सावधान हा मंत्र शिका!ध्रु.
सुवर्ण संधी चालुन येते
तत्पर त्याला आपण वरते
सामोरे व्हा आत्मसुखा!१
विश्वासे विश्वास वाढतो
भाग्यवंत तो संधि साधतो
कुणा न द्यावा उगा धका!२
निर्व्यसनी जो, हवा जगाला
सत्यनिष्ठ तो प्रिय विश्वाला
आत्मारामा करा सखा!३
कृतज्ञता ही घ्या गुरुकिल्ली
सद्भाग्याची दारे खुलली
संघभावना शिका शिका!४
जे जेव्हाचे तेव्हा करता
आरंभी घे रूप सांगता
चालु क्षण साधण्या शिका!५
रचयिता : श्रीराम बाळकृष्ण आठवले
(सुखाचा प्रपंच हाच परमार्थ मधून)
No comments:
Post a Comment