भावे अवलोकिता ज्ञानेश्वरी। स्वरुपानंद येत घरी।
ओवी ओवी आपण विवरी। ज्ञानदेव ॥ १ ॥
माधव सुपुत्र माऊलीचा। त्याची प्रेमपूर्वा वाचा।
लोटे पूर अमृताचा। मंगलधामा ॥ २ ॥
अलंकापुरी पावस येथे। पुण्यनगरी साक्ष देते।
कृपा केलिया माधवनाथे। पटे खूण ॥ ३ ॥
होता स्पर्श परिसाचा। भाविका केवळ माधवाचा।
अध्यात्माचा सुराज्याचा। होय अधिकारी ॥ ४ ॥
सुषमा, माधव, मकरंद। सर्वा हृदयी परमानंद।
हंस मानसी स्वच्छंद। लागे विहरु ॥ ५ ॥
तन्मय व्हावे वाचताना। तन्मय व्हावे बोलताना।
तन्मय व्हावे पाहताना। आवर्जून ॥ ६ ॥
रचयिता : श्रीराम बाळकृष्ण आठवले
१३.१०.१९९७
No comments:
Post a Comment