देवाचा आठव पाडी देहाचा विसर!ध्रु.
ऐसा उपकार, करी रघुवीर
बुद्धि करी स्थिर, ध्यान हो गंभीर
नियम जगी शाश्वताचा प्रेमाची पाखर!१
करू अन्नदान, स्मरू रामनाम
स्मरू रामनाम, ध्याऊ तेच ध्यान
अंतरात येऊनि राहे सखा रघुवीर!२
अंतरात राम, जपा रामनाम
नाम हाचि साम, गायनी आराम
संत वाढवीती साधकाचा धीर!३
रचयिता : श्रीराम बाळकृष्ण आठवले
गोंदवलेकर महाराज यांची प्रवचने मधील प्रवचन क्रमांक १७८ (२६ जून) वर आधारित काव्य.
परमार्थात नियम थोडा करावा, पण तो शाश्वताचा असावा.
No comments:
Post a Comment