दिंडी सत्याची पुढे पुढे चालली!ध्रु.
सत्य हाच देव येथे प्रेम देवघेव
बंधु एकमेकां देती भावभरे खेव
ज्योत ज्ञानाची अंतरि तेवली!१
स्वप्नी दिले राज्य झाला राजा वनवासी
प्राणमोल दिले पिता जागे वचनासी
स्थिती योग्याची अंतरि बाणली!२
धर्म नाही सोडणार छत्रपती बोले
जगू तर पुन्हा लढू पराक्रम बोले
मरणात ती अमरता जगली!३
न्यायाधीश सांगे खुना मृत्यु हाच दंड
सत्ता पडे सत्यापुढे हिमासम थंड
पापे लाजेने मान खाली घातली!४
जन्मसिद्ध हक्क राज्य हिंदवासियांचे
प्रगतिचे गाडे कोठे नाही अडायाचे
मने निर्धारे पुरी पुरी चेतली!५
रचयिता : श्रीराम बाळकृष्ण आठवले
१९८२
No comments:
Post a Comment