वीर विनायक सावरकर

वीर विनायक सावरकर!
वीर विनायक सावरकर! ध्रु.

व्यक्ती जाते, नाम राहते
गुण दाखवते, स्फूर्ती देते
तूच मना घाली आवर! १

मोह मनाचा झटकुन टाक
कर्तव्याची ऐकुन हाक
तोल आपुला तू सावर! २

तळमळ त्यांची तू जाण
आयुष्याचे कल्याण
शक्तीचा अंगी सागर! ३

कच खाणे शतदा मरणे
मनुजाला लाजिरवाणे
ओंकाराचा कर जागर! ४

स्वार्थी तो होतो त्यागी
रुग्णाचा बनतो योगी
नकोस समजू मी पामर! ५

रचयिता ; श्रीराम बाळकृष्ण आठवले
२०.६.२००१