मधुर बोल

ऑडिओ - मधुर बोल

हसत हसत बोल बोल 
मधुर मधुर बोल बोल!ध्रु.

सुखव रमा मधुर वदुन 
दुःख जाय दूर पळुन
वचनाचे थोर मोल! १

दुसऱ्यांना मान देत 
स्नेहाचे श्रेय घेत 
सांभाळी तूच तोल! २

शांतव मन बघुन गगन 
तू प्रसन्न जग प्रसन्न 
सकलांना आण डोल! ३

कपटा नच वश व्हावे 
मौने मन निववावे
अविचारे कार्य फोल! ४

स्फूर्ति देत वंद्य होत
स्तुतिसुमने सौख्य देत
विचारून मधुर बोल! ५ 

रचयिता : श्रीराम बाळकृष्ण आठवले
जून १९८३