अंगीकृत कार्याची वाढव मम बाळा कक्षा
तुझ्याच रूपे साकारे रे माझी आकांक्षा!ध्रु.
परंपरागत चालत आले
तुवा पाहिजे ते वाढविले
आशीर्वच मम सदैव पाठी, तू माझी आशा!१
उघडी डोळे, पाही सृष्टी
हरिकरुणा करि विकसित दृष्टी
अगाध श्रद्धा, निरलसता ही तोडित भयपाशा!२
अपार श्रम पुण्याचा ठेवा
कर्मि कुशलता रुचते देवा
कंकण बांधी करांत बाळा ही पावन दीक्षा!३
रचयिता : श्रीराम बाळकृष्ण आठवले
१४.३.१९७५
तुझ्याच रूपे साकारे रे माझी आकांक्षा!ध्रु.
परंपरागत चालत आले
तुवा पाहिजे ते वाढविले
आशीर्वच मम सदैव पाठी, तू माझी आशा!१
उघडी डोळे, पाही सृष्टी
हरिकरुणा करि विकसित दृष्टी
अगाध श्रद्धा, निरलसता ही तोडित भयपाशा!२
अपार श्रम पुण्याचा ठेवा
कर्मि कुशलता रुचते देवा
कंकण बांधी करांत बाळा ही पावन दीक्षा!३
रचयिता : श्रीराम बाळकृष्ण आठवले
१४.३.१९७५
No comments:
Post a Comment