मानसपूजा घ्यावी!
स्वामी मानसपूजा घ्यावी! ध्रु.
स्वामी मानसपूजा घ्यावी! ध्रु.
हृदयकमलिं आपण बैसावे
सोऽहं ध्यानी मने वसावे
मुद्रा हृदयि ठसावी! १
द्वैत कल्पिले पूजेपुरते
अद्वयत्व परि मन अनुभविते
फळा सुफलता यावी! २
नमनासाठी कर हे जुळले
अमन मनाचे नकळत झाले
जवळिक अशी घडावी! ३
दृष्टिस पडता गुरुपदकमले
आनंदाश्रू नयनी झरले
फुले तयांची व्हावी! ४
सोऽहं रूपी कमळ उमलले
मधुकर गुंजत सहजचि आले
कोवळीक लाभावी! ५
ज्ञानमाउली प्रसन्न झाली
अभंगातुनी ओवी हसली
नित नवि सृष्टि दिसावी! ६
सोऽहं दीपे मन उजळावे
मन उजळावे मन धवलावे
आत्मप्रभा खुलावी! ७
रचयिता : श्रीराम बाळकृष्ण आठवले
No comments:
Post a Comment