तात्याकंठी माळ फुलांची, सुगंधलहरी येतात
आनंदाश्रू झरतात ! ध्रु.
चोरुनि फुले गुंफिली
कुणि माळ गळा घातली
रत्नहाराहुन ही मोलाची, तुला हिला ना जगतात! १
आनंदाचे आले भरते
वनवासाची मुदत संपते
तात्या नेता मी अनुयायी – अडे हुंदका कंठात! २
दर्शन घेण्या झुम्मड लोटे
तात्यावरती दृष्टी खिळते
गौरव बघता हा कष्टांचा शीण संपला निमिषात! ३
दान पावले दान पावले
चित्त डोलले, चित्त डोलले
तात्या गौरव गौरव अपुला आनंदाश्रू वदतात! ४
भक्ति जनांची बहुमोलाची
तात्या विण ना कळावयाची
दो कुड्यांतुनि एकच आत्मा ऐसा अनुभव दिनरात! ५
कथा शबरिचि आता स्मरते
भक्ती भोळी मना जिंकते
सन्मानांतरि अमृतगोडी शब्द पांगुळे होतात! ६
श्रीकृष्णाच्या कंठि आजला
जशी शोभली तुलसी माला
कृतार्थतेने, कृतज्ञतेने जुळले हात ! ७
रचयिता : श्रीराम बाळकृष्ण आठवले
No comments:
Post a Comment