परिस्थिती ही असो कशी ही
आनंदी ठेवा! स्वामी, आनंदी ठेवा!ध्रु.
आनंदी ठेवा! स्वामी, आनंदी ठेवा!ध्रु.
' देह नव्हे मी ' शिकवण अपुली
आपण गमता ज्ञान माउली
वंदन गुरुदेवा!१
"राम कृष्ण हरि" नाम स्मरता
सोऽहं मुरली अंतरि घुमता
घडेल गुरुसेवा!२
अभ्यासाचा छंद लावला
काही पालट नकळत घडला
सात्त्विक हा मेवा!३
प्रसन्नदर्शन आम्ही व्हावे
कंटकांतही सुमन हसावे
स्वरूपीच ठेवा!४
चैतन्याचे स्वरूप अक्षय
परमार्थाचे क्षेत्र निरामय
अनुभव द्या देवा!५
रचयिता : श्रीराम बाळकृष्ण आठवले
११.११.१९८५
No comments:
Post a Comment