जो रसनेच्या अंकित झाला
अधिकारी नव्हे! अधिकारी नव्हे!
अधिकारी नव्हे! अधिकारी नव्हे!
जो निद्रेने खरीदलेला
अधिकारी नव्हे! अधिकारी नव्हे!
बळे इंद्रियां कोंडतसे तो
अधिकारी नव्हे! अधिकारी नव्हे!
चिंतितसे विषयांस मनी तो
अधिकारी नव्हे! अधिकारी नव्हे!
आत्मचिंतना वेळ न ज्या -
अधिकारी नव्हे! अधिकारी नव्हे!
कंटाळत जो साधनेस तो
अधिकारी नव्हे! अधिकारी नव्हे!
अडचण बघतां धीर सोडि तो
अधिकारी नव्हे! अधिकारी नव्हे!
देहचिंतनी जो गढला तो
अधिकारी नव्हे! अधिकारी नव्हे!
रचयिता : श्रीराम बाळकृष्ण आठवले
१६.०२.१९७४
(जो रसनेंद्रियाचा अंकिला
का निद्रेसी जीवे विकला
तो नाही एथ म्हणितला
अधिकारिया
या ज्ञानेश्वरीतील ओवीवर आणि स्वामी माधवनाथांच्या ज्ञानेश्वरी ज्ञानकिरणे या पुस्तकातील प्रवचन क्रमांक ५५ वर आधारित काव्य)
No comments:
Post a Comment