सोऽहं बोधी स्थिरावयाचे असेल जर तुजला -
पाहिजे अभ्यासचि केला!ध्रु.
पाहिजे अभ्यासचि केला!ध्रु.
मन पवनाची बांधुनि गाठी
सहज स्मरावा श्रीजगजेठी
विषयांची सुटण्यास संगती
एकांतच चांगला!१
ध्याना बसणे, मौन पाळणे
डोळे मिटणे, आत पाहणे
सोऽहं स्मरणी सहज रंगणे
जमे जया तो भला!२
"तत् त्वम् असि" हे बोल शुभंकर
सुधा वर्षती ते तप्तांवर
कौमुदिने जणु धवळे अंबर-
विस्मय का वाटला?३
रचयिता : श्रीराम बाळकृष्ण आठवले
१७.०२.१९७४
देस भजनी धुमाळी
तू प्राप्तीची चाड वाहसी
परि अभ्यासी दक्षु नव्हसी
ते संग पां काय बिहसी
दुवाडपणा
या ज्ञानेश्वरीतील ओवीवर आणि स्वामी माधवनाथांच्या ज्ञानेश्वरी ज्ञानकिरणे या पुस्तकातील प्रवचन क्रमांक ५६ वर आधारित काव्य)
No comments:
Post a Comment