गीतापंचामृत

 
पुन्हा पुन्हा वाचावी गीता
ती सोपी होते
भक्ति मिसळली कर्मामध्ये
द्वैत लया जाते!१

योगेश्वर हृदयात राहतो
रथास चालवितो
क्षणाक्षणाला पार्थच लढतो
धर्मराज्य आणतो!२

ओघे आले कर्म करावे
वेगळा न धर्म
कृष्णच  कर्ता कृष्ण करविता
ही बैठक ठाम!३

लेपच नाही पाप कोठले
मन हलके झाले
गीता गाता गाता गंगा
धन्य धन्य वाटले!४

घरोघरी पोचावी गीता
हा घ्यावा ध्यास
आधि व्याधी निघून गेल्या
प्रत्यय हमखास!५

रचयिता : श्रीराम बाळकृष्ण आठवले
१३.०८.२००४