हनुमंता हो बलवंता..

हनुमंता हो बलवंता
बलवंता हो धीमंता!ध्रु. 

आम्ही वीरगडी
स्मरु घडी घडी
मार्ग दाखवा हनुमंता!१

भक्ताग्रणी तुम्ही
रमला रामी
शक्तियुक्ति द्या श्रीमंता!२

बळ मिळवू हो
गुण मिळवू हो
वर द्यावा हो हनुमंता!३

रघुनाथ विभु
तो एक प्रभु
वंदन घ्या हो पवनसुता!४

घर असो नसो
मनि राम वसो
दास्यभाव द्या हनुमंता!५

रचयिता : श्रीराम बाळकृष्ण आठवले
(रामदास स्वामींच्या चरित्रावर आधारित काव्यातील एक काव्य)