रामदास धन्य तो....

रामदास धन्य तो!
रामदास धन्य तो! ध्रु.

सत्यशोध ध्यास हा
अन्य ना जया स्पृहा
रामनाम गर्जतो ! १

देश एक देव हो
दास्यभाव धर्म हो
दक्ष नित्य राहतो ! २

शुद्ध प्रेम अंतरी
कीर्ति ही दिगंतरी
कृतीत तत्त्व आणतो ! ३

आत्मतृप्त हा सदा
भक्तियुक्त हा सदा
जनात राम पाहतो ! ४

देहभाव लोपला
आत्मभाव जागला
विनम्र भाव शोभतो ! ५

दंभ ना शिवे जया
लोभ ना शिवे जया
शीलचंद्र हासतो ! ६

सुभाष हा सुधीर हा
सुशांत हा सुकांत हा
रामभक्त धन्य तो ! ७

रचयिता : श्रीराम बाळकृष्ण आठवले
८.९.१९७९