श्रीरामाच्या जन्मतिथीला कौतुक अवतरले
राम जन्मला मंदिरात अन भक्त घरा आले
पाळणा घरामधे हाले! ध्रु.
श्रीरामाचा जयजयकार
दुमदुमला सारा प्राकार
भक्तिभावना हर्षभराने स्वैर उधळते फुले! १
सूर्यदेव हा प्रसन्न झाला
अपुल्या भक्ता प्रसाद दिधला
कृतज्ञतेने नारायण हे नाम मुला लाभले! २
टाळ घुळघुळे मृदंग घुमतो
अश्रू नयनी गळा दाटतो
आंदुळता मंदिरि रामाला, माय मुला आंदुळे! ३
कृतार्थ झाली राणूबाई
कृतार्थ माता धन्य पिताही
दोन बालके घरी रांगता गोकुळ घर गमले! ४
प्रभुसेवा ही फळास आली
उपासना परि सतत चालली
नारायण बाळाते बघता धाम स्वर्ग जाहले! ५
राम जन्मला मंदिरात अन भक्त घरा आले
पाळणा घरामधे हाले! ध्रु.
श्रीरामाचा जयजयकार
दुमदुमला सारा प्राकार
भक्तिभावना हर्षभराने स्वैर उधळते फुले! १
सूर्यदेव हा प्रसन्न झाला
अपुल्या भक्ता प्रसाद दिधला
कृतज्ञतेने नारायण हे नाम मुला लाभले! २
टाळ घुळघुळे मृदंग घुमतो
अश्रू नयनी गळा दाटतो
आंदुळता मंदिरि रामाला, माय मुला आंदुळे! ३
कृतार्थ झाली राणूबाई
कृतार्थ माता धन्य पिताही
दोन बालके घरी रांगता गोकुळ घर गमले! ४
प्रभुसेवा ही फळास आली
उपासना परि सतत चालली
नारायण बाळाते बघता धाम स्वर्ग जाहले! ५
रचयिता : श्रीराम बाळकृष्ण आठवले
No comments:
Post a Comment