प्रसाद पुष्पे - 'दासबोध' घ्या हाती.
ग्रंथा नाम दासबोध। गुरुशिष्यांचा संवाद। येथ बोलिला विशद। भक्तिमार्ग।।
ग्रंथराज दासबोधामधील ही पहिलीच ओवी! इथे आरंभाला नमन नाही पण श्रोत्याच्या-वाचकाच्या मनाची पकड घेणारी तोंडओळख जरूर आहे.
समर्थांचे बोलणे रोखठोक! आत्मप्रत्ययाचे! ग्रंथाचे नाव, ग्रंथाचे स्वरूप, ग्रंथाचा विषय यांचा उल्लेख अवघ्या एकाच ओवीत.
मना सज्जना भक्तिपंथेचि जावे
तरी श्रीहरी पाविजे तो स्वभावे
हे मनाचे श्लोक वाचावे आणि लगेच दासबोधाचा आश्रय घ्यावा.
भक्तिचेनि योगे देव। निश्चये पावती मानव ऐसा आहे अभिप्राव। ईये ग्रंथी।।
मग आपल्याला तरी अधिक काय हवे?
श्रवणाला श्रावण महिना फारच चांगला! डोळे मिटावेत. शिवथरघळीत मनानेच बसावे. त्यातील ओव्या समर्थ आणि सच्छिष्य कल्याण या दोघांच्या स्वरात मनानेच ऐकाव्या. आत्मारामाची भेट घडावी आणि सहज साधना घडता घडता विदेहीपणे सर्व काया निवावी!
समर्था आम्हाला आपल्या चरणी बसवा आणि दासबोधाच्या द्वारे आमच्याशी बोला ना!
- श्रीराम बाळकृष्ण आठवले.
ग्रंथा नाम दासबोध। गुरुशिष्यांचा संवाद। येथ बोलिला विशद। भक्तिमार्ग।।
ग्रंथराज दासबोधामधील ही पहिलीच ओवी! इथे आरंभाला नमन नाही पण श्रोत्याच्या-वाचकाच्या मनाची पकड घेणारी तोंडओळख जरूर आहे.
समर्थांचे बोलणे रोखठोक! आत्मप्रत्ययाचे! ग्रंथाचे नाव, ग्रंथाचे स्वरूप, ग्रंथाचा विषय यांचा उल्लेख अवघ्या एकाच ओवीत.
मना सज्जना भक्तिपंथेचि जावे
तरी श्रीहरी पाविजे तो स्वभावे
हे मनाचे श्लोक वाचावे आणि लगेच दासबोधाचा आश्रय घ्यावा.
भक्तिचेनि योगे देव। निश्चये पावती मानव ऐसा आहे अभिप्राव। ईये ग्रंथी।।
मग आपल्याला तरी अधिक काय हवे?
श्रवणाला श्रावण महिना फारच चांगला! डोळे मिटावेत. शिवथरघळीत मनानेच बसावे. त्यातील ओव्या समर्थ आणि सच्छिष्य कल्याण या दोघांच्या स्वरात मनानेच ऐकाव्या. आत्मारामाची भेट घडावी आणि सहज साधना घडता घडता विदेहीपणे सर्व काया निवावी!
समर्था आम्हाला आपल्या चरणी बसवा आणि दासबोधाच्या द्वारे आमच्याशी बोला ना!
- श्रीराम बाळकृष्ण आठवले.
No comments:
Post a Comment