परमात्म्यासी नच ओळखसी, हेच हेच अज्ञान

परमात्म्यासी नच ओळखसी, हेच हेच अज्ञान!ध्रु.

खरे न जे त्या खरे मानिसी
अंतरि वळुनी शोध न घेसी
कस्तुरिमृगसम वेडा होसी हिंडसि तू बेभान!१ 

देव आपल्या सन्निध असतो
कृतीस अपुल्या सदा निरखतो
जाणिव याची जर नच झाली समज तेच अज्ञान!२

निष्ठा रामी अशी असावी
नित संतोषी वृत्ति रहावी
देव न जाणुनि जर देहाचा धरलासी अभिमान!३

रचयिता : श्रीराम बाळकृष्ण आठवले
(गोंदवलेकर महाराजांच्या प्रवचन क्र. २८७ वर आधारित काव्य)