"सज्जनगड" हा बहु आवडला
ओढ अनामिक आज मनाला
जरी दास मी आहे सान -
इथे मिटावे अंतिम पान
असे वाटते घेता नाम
दास जाहला स्वामी राम -
श्रीराम जय राम जय जय राम! १
या देहाचा शोक कशाला?
मृत्यू का कधि कोणा टळला?
दासबोध सोपविला ठेवा -
शिष्यमंडळी स्मरणी ठेवा
मनोबोध दासाचे धाम
दास जाहला स्वामी राम -
श्रीराम जय राम जय जय राम!२
जे जे ठावे ते शिकवावे
शिष्यासी धन नच मागावे
कामक्रोध रामार्पण करता
त्यास लागते सगळी चिंता
माझ्यामागे भजाच राम
दास जाहला स्वामी राम -
श्रीराम जय राम जय जय राम!३
रचयिता : श्रीराम बाळकृष्ण आठवले
०५.०३.१९८४
No comments:
Post a Comment