एकतेचे गीत गाजे

 

हिंदु न्हाले नविन तेजे, एकतेचे गीत गाजे!ध्रु.

या समाजी जागृती
सकल घडवू संप्रती
गीत गाता मुक्त कंठे हिंदु बंधु कुणि न लाजे!१

विसरु सगळे जातपाती
निर्मु आता नविन नाती
अस्मिता होण्यास जागी वीरनेता पुढति साजे!२

देवमोचक राम जय
दैत्यनाशक कृष्ण जय
हिंदु सगळे बंधु बंधू भाव हा हृदयी विराजे!३

हाति फडके ती ध्वजा
भेदभावा दे रजा
अंतरंगी बांधवांच्या एकतेचा घोष गाजे!४

अशि दृढावे एकता
अशि स्थिरावे बंधुता
संस्कृतीचा साज फेरी मिरविताना अधिक साजे!५

मंदिरे केंद्रेच झाली
स्वाभिमाना जाग आली
आत्मश्रद्धा वाढते ती धन्यता चित्ती विराजे!६

दास्य मनिचे संपले
विश्व मनिचे उमलले
किल्मिषाचे अभ्र विरता बालभास्कर गगनि साजे!७

रचयिता : श्रीराम बाळकृष्ण आठवले
(स्वातंत्र्यवीर सावरकरांच्या जीवनावर आधारित काव्यामधील हे एक काव्य)