आता दिसो नये जना! ऐसे करा नारायणा!ध्रु.
केले भजन कीर्तन
अता जाहलो उन्मन
वैकुंठास न्यावे देवा, करा पांडुरंगा करुणा!१
ऐहिकाची नुरली आशा
स्वये तोडतसे पाशा
परमोच्च आनंदाचा द्यावा ठेवा नारायणा!२
नको इंद्रियांचा संग
नको नको विषयी भोग
शेवटचा दीस गोड करा माझा नारायणा!३
परब्रह्म गाठायाचे
देहमुक्त मज व्हायाचे
मुखी नामघोष केला याचसाठि दयाघना!४
रचयिता : श्रीराम बाळकृष्ण आठवले
(जयजयवंती, दादरा, लहरी अहाट)
No comments:
Post a Comment