मन माझे ओढ घेते माहेरास जाया
तुम्ही संतजन तुमच्या पडतसे पाया!ध्रु.
अता न मी माझा तुमचा झालो विठ्ठलाचा
सांगावा हा ध्यानी घ्यावा भोळ्या तुकोबाचा!
नाम हाच सोपा मार्ग देव आपणाया!१
भक्ति तेचि ज्ञान तेचि विठ्ठल ही एक
ऐसी माझी झाली स्थिती विष्णुमय देख
पांडुरंगि श्रद्धा ठेवा चित्त शुद्ध व्हाया!२
ओढाळ वासरू मन त्यास लावा दावे-
ईश्वरी प्रेमाने त्यास कारणी लावावे
मुखी नाम हाती मोक्ष, असो द्यावी दया!३
वैकुंठास जातो तुका रामराम घ्यावा
वैकुंठिचा राणा भुलतो जगी भक्तिभावा
रामकृष्ण मुखी बोला संसार तराया!४
रचयिता : श्रीराम बाळकृष्ण आठवले
(भैरवी, दादरा)
No comments:
Post a Comment