राम कृष्ण हरि हरि!
राम कृष्ण हरि हरि!ध्रु.
राम कृष्ण हरि हरि!ध्रु.
मंत्र मिळे तुकयाला
झाला जगी बोलबाला
घुमे श्वासाची बासरी!१
आवलीच माय झाली
मोहगाठ सैल केली
शिव्या श्रावणाच्या सरी!२
चढू दुःखाचा डोंगर
भेटे रुक्मिणीचा वर
स्वर्गसुखाला ना सरी!३
ब्रम्हानंदी लागे टाळी
कोण देहाला सांभाळी
देव संत बरोबरी!४
विठू देहात दे हात
तुका दाविताहे वाट
चालू लागा झडकरी!५
रचयिता : श्रीराम बाळकृष्ण आठवले
२६.१२.२००५
No comments:
Post a Comment