नरदेहाचे दुर्लभपण ते घ्यावे ध्यानात

॥ जय जय रघुवीर समर्थ ।। १८:४

नरदेहाचे दुर्लभपण ते घ्यावे ध्यानात
हरिभजना त्या लावुनि पावन व्हावे निमिषात!१

जसे चांगले वाइट तैसे नरदेही भरले
भले बुरे ते आतुन कळते सावध ते तरले!२

प्रकटे आत्माराम यामुळे ध्यानी घ्या महिमा
आत्म्यास्तव नरदेह झिजावा रुचते हे रामा!३

पुण्यदेह तो ज्ञान वितरतो रामा भेटवतो
उपासनेचा मार्ग चालतो महंत तो बनतो!४

देही आत्मा, जनी जनार्दन पूज्यच पूजावे
ग्रंथश्रवणे योग्य काय ते आचरणी यावे!५

रचयिता : श्रीराम बाळकृष्ण आठवले 
२८/११/१९९४