उठि उठि गोपाळा, कृष्णा विलंब बहु झाला !

उठि उठि गोपाळा, कृष्णा
विलंब बहु झाला !ध्रु.

धर्माला या कळा उतरती
कोण मीच हे सकल विसरती
डोळे असुनी लोक आंधळे, घाल अंजनाला !१

आत्मश्रद्धा तुझी लाभु दे
अन्यायाची चीड येउ दे
भित्रेपण लज्जास्पद असते घुमव प्रणवाला !२

तू गोपाळा कसे जमविले
झुंजायाला समर्थ बनले
अपुल्या हाते आम्ही घडवू दिव्य भविष्याला !३

कंसाची ना तमा कुणाला
कठोर शासन पापात्म्याला
अर्थ अहिंसेचा उमगावा ज्या त्या छाव्याला !४

शरीर नश्वर मी तर नाही
मन बुद्धी वा काही नाही
सोऽहं प्रत्यय गीता देते खचित साधकाला !५

रचयिता : श्रीराम बाळकृष्ण आठवले
०७.०६.२००६