गाऊ या, ध्याऊ या, अंबेजोगाईची योगेश्वरी !ध्रु.
शब्द लेखणीतुन आले, आनंदाने मन डोले
घुमू लागला नाद अंतरी, गाली अश्रूसरी!१
मार्गशीर्ष पौर्णिमा येतसे, माहेराला मन धावतसे
गती लाभली चरणांलागी, उठे तनी शिरशिरी!२
खड्ग पात्र मुसळासह नांगर, करी शोभती किती शुभंकर
मनोहारिणी, प्रलयकारिणी अवतरली भूवरी !३
कविता स्फुरली गाता गाता, परदयाळू आंबामाता
अमूर्त जी ती समूर्त झाली अपुली योगेश्वरी !४
रचयिता : श्रीराम बाळकृष्ण आठवले
३१.१०.२००६
No comments:
Post a Comment