आई रेणुकेचा जयघोष

आई रेणुके तुझाच जय जय

तिमिर घालवी कर ज्ञानोदय १

आई रेणुके तुझाच जय जय
तू उत्पत्ती स्थिती आणि लय २

आई रेणुके, तुझाच जय जय
मना उलटवी कर गे निर्भय ३

आई रेणुके, तुझाच जय जय
सूर ताल तू नर्तनात लय ४

आई रेणुके, तुझाच जय जय
तू दुर्गा तू पुण्याचा जय ५

आई रेणुके, तुझाच जय जय
नवीन दृष्टी पापाचा क्षय ६

आई रेणुके, तुझाच जय जय
कला शास्त्र तू विद्या अक्षय ७

आई रेणुके, तुझाच जय जय
तूच विरक्ती शक्तीसंचय ८

आई रेणुके, तुझाच जय जय
उमा, रमा, सावित्री जय जय ९

रचयिता : श्रीराम बाळकृष्ण आठवले
२१.०९.१९९५

आई रेणुके (ऑडिओ)